Hoxhë Fahredin Bunjaku  

I lindur më 05.08.1977, në fshatin Poliçkë, komuna e Kamenicës. Shkollimin fillor e ka përfunduar në fshat, në vitet 1984 -1992. Shkollimin e mesëm e ka vazhduar në gjimnazin “Medresenë Alaudin“- në Prishtinë, në vitet 1992 – 1996. Fakultetin e ka vazhduar dhe përfunduar në Jordani, në “Universitetin e Jordanit”, (University of Jordanien), në vitet 1996 – 2001.

PUNA PRAKTIKE

Fahredini, si i ri u interesua që përveç shkollimit dhe anës teorike të angazhohet edhe në anën praktike, prandaj si i ri filloi praktikimin dhe ushtrimin e detyrës së imamit, fillimisht në fshat, e më pas dy vjet gjatë muajit të Bekuar të Ramazanit ka shërbyer në fshatrat e Krajës në Malësinë e Ulqinit, në Mal të Zi. Hoxhë Fahredin Bunjaku që nga viti 2003 është në Zvicër, ku edhe jeton me familjen e tij gjashtanëtarëshe. Që nga fillimi I ardhjes së tij në Zvicër, është aktiv dhe shërben si imam në Xhaminë e Schwamendingenit në “Jugendkulturzentrum Haus des Friedens – Qendra Kulturore Shtëpia e Paqes“. Duke e parë nevojën e bashkatdhetarëve për një xhami më afër tyre ku mund t’i kryejnë obligimet e tyre fetare, ai u angazhua së bashku me një grup nga xhemati dhe themeluan këtë xhami, e cila ekziston që nga viti 2004. Hoxhë Fahredini, duke e parë gjendjen financiare të xhamisë, e cila momentalisht nuk ka mundësinë ta punësojë 100%, ai përveç punës së imamit, punon edhe punë krahu si pullazxhi (Dachdecker), ku të ardhurat kryesore për familjen e tij i siguron nga ky profesion.